بسم الله الرحمن الرحيم
موضوعنا النهاردة عن اختيار
"ابن الحلال"
وهو حلم اي بنت بتحلم بالاستقرار
"السليم"
يعني مش اي استقرار
مش عاوز اضيف جديد عن الشباب
ونفرز نوعيتهم لان الكتابة مش هتبقى زي الصورة
وفي كل شارع بنشوف ابو ميدالية وابو
"حظاظة"
وتقاليع وتمائم بيرتدوها وهي اساسا بدعة
لكن لا حياة لمن تنادي
مش موضوعنا دلوقت
احنا بنتكلم في مرحلة ما بعد الاختيار
يعني انتم خلاص اخترتوا بعض ازاى بقى تعرفوا ساعتها ان ده
ابن الحلال المناسب
فيه طبعا علامات للشاب ده
لكن ياترى ايه هي العلامات دي
بنشوف مثلا في الخطيب وخطيبته
بيتناقشوا ازاى يقربوا من بعض
ويفهموا بعض ويخططوا لمواضيع مستقبليه عشان يفهموا بعض
وده هدف الخطبة اساسا
لكن طريقة اداء تقاليد الخطبة دي
بقى بيختلط بيها عادات سيئة وللاسف بنتساهل فيها
زي الخلوة ببعض
والبنت والولد يعدي عليه الموقف ده
وعادي جدا
لكن هنا بقى دور ابن الحلال انه ميقبلش على نفسه الوضع ده
وبنت الحلال بردو متقبلش بالوضع ده
لان من شروط الخطبة عدم الخلوة
من تقاليد الشباب بردو
انه يقول لنفسه لازم احسسها اني رومانسي معاها اوي
ويبتدي يلمسها
قال يعني عشان مش تنسى لمسة ايديه
وهمساته وانه بكده علقها بيه
وفعلا البنت بتتعلق بده
لكن عاوز اسالها سؤال البنت اللي من النوع ده
ياترى انتي فرحانه انك تذوقتي
طعم الشوق ده بدري
لما تتلمسي وحاجات تانية كمان غير اللمس
ياترى ليله الدخلة وفي حياتك الزوجية عموما
هتحسي بانها حاجة جديدة عليكي؟
اكيد لانها حصلت قبل كده
ومين يضمن اساسا ان خطيبك اللي عمل كده
هو نصيبك كزوج
مش يمكن تتفسخ الخطوبة؟
وممكن كمان يقول عليكي فرطي في نفسك
ويسيبك صح ؟
لكن بينسوا هما الاتنين
ان ده بيقل في تبارك ربنا في علاقتهم
ده غير تطور موضوع اللمس ده لحاجات تانية مش تستاهل
الحبر اللي بنكتب بيه المقال ده
عاوز اقول بردو انى بحب
وابن الحلال مش بيجيله اعصاب يلمس حبيبته
مبتهونش عليه اساسا
لكن والله ما بتكلم عن نفسي انا
لكن عاوز اقول بجد انه بيصعب على اللي بيحب بجد
انه يلمس حبيبته
حتى ليلة الدخلة كمان
مش بيبقى الموضوع سهل
لانه بيخاف يجرح مشاعرها وبيفكر في حاجات كتيرة اوي
مش زي ما كتير من البنات فاهمة
من صفات ابن الحلال بردو وبنت الحلال
انه مش يتفاخر بالحكي عنها او عنه للناس
مش زي ما بنشوف ده بيحكي مع ده ع القهوة
وايه اخباركم مع بعض وعملت ايه الخميس اللي فات والحوارات دي
وبردو البنات ايه يا بنتي اخبار المنيل على عينه ايه
والبنت بكل سهولة بتسمح انها تسمع ده عن زوجها ونميمة الستات
بتشتغل زي ما انتم عارفين
لكن ده اساسا مش سليم لان دي اسرار البيت
وحرام تطلع بره نطاق البيت
مش معنى كده انى انم زوجي داخل بيتي لا
مش القصد لكن الاسرار بتكون بينكم وبس
ياريت اعرف رايكم في اللي كتبته واللي عنده تعليق ياريت اشوفه
لاني محتاج اعرف آرائكم
كلمة اخيرة بقولها
يقول الله سبحانه وتعالى
"الطيبون للطيبات والخبيثون للخبيثات"
صدق الله العظيم
said:
said:
من الجزائر